Anuncio

ARRUWAC no ta encarga pa organisa Urataca fun run/walk dia 11 di januari 2009.
Pa mas informacion, por favor tuma contacto cu Arruwac.

Coredornan di marathon ta sostene Cruz Cora
"I Run For Red Cross Aruba"

"I Run For Red Cross Aruba" of "ir4rca" ta un initiativa di 5 atleta cu ta bai core un marathon of half marathon pa recauda fondo pa Cruz Cora Aruba. Nan lo haci esaki durante e evento anual "Miami Marathon" cu lo tuma lugar dia 25 di januari 2009. E distancia maximo ta 42 km. E grupo ta consisti di e atletanan Shariska Dirksz, Johnny Cheng, Juan Ridderstap, Mario Nooijen y Marc Croes. Nan lo recauda fondo door di busca sponsors pa compromete na un suma cash pa cada kilometer. 100% di e fondonan recauda lo bai directamente pa Cruz Cora Aruba.

Pa sponsor e cause aki, please bai ariba e website www.ir4rca.com y sigui instruccion.

ARRUWAC a entrega atleta Richard Rodriguez
su placa di reconocimento

AYO - Diasabra dia 6 di december 2008, Aruba Roadrunners and Walkers Club, a haci entrega di un placa di reconocimento na e coredor Richard Rodriguez. E organisacion di ARRUWAC a reconoce Richard como e atleta di anja y tambe pa e mihor atleta nombra pa ARRUWAC su prome lustro. E directiva consisti di sra. Vanessa Tromp, sr. Rafael Lopez y sr. Chito Geerman a haci e entrega di e placa na Richard su cas na Ayo. Mester menciona cu e atleta Richard Rodriguez ta recuperando poco poco di un accidente sufri. Su deseo ta pa algun dia e por core bek, pero si e no por, e lo drenta directiva di ARRUWAC pa dedica su mes na coremento y tambe entrena y motiva mas hoben pa practica e deporte aki, cu tanto e ta gusta.
Directiva y e demas miembronan di ARRUWAC ta desea Richard tur clase di exito y cu perseverancia y fe, un dia e lo ta ariba caminda atrobe y cu ARRUWAC sigur lo tuma su yudanza cu man habri. Riba e foto nos por mira e entrega di placa na e coredor Richard Rodriguez.

ARRUWAC a clausura su anja deportivo 2008
den The Old Cunuco House

A reconoce varios miembro pa nan bon trabou durante 2008
Diasabra anochi dia 29 di november Aruba Roadrunners & Walk Club a clausura su anja deportivo cu su acostumbrado cena di pasco pa tur su miembronan y invitadonan den The Old Cunuco House na Noord. Manera tur anja, durante di e anochi ameno aki, a reconoce tur esnan cu di un of otro manera a sa na resalta den e anja deportivo tras di lomba. E presidente saliente di Arruwac, sr. Chito Geerman a dirigi algun palabra na esnan presente, su persona a gradici tur e miembronan di Arruwac pa nan apoyo y sosten den e anja deportivo 2008, sperando cu tur miembro lo sigui colabora cu e organisacion di Arruwac. Mester bisa cu organisacion di Arruwac tabatin un tremendo anja, cu e 43 edicion di e Boulevard Loop como un di e eventonan ariba e calendario, cu mas a sobresali. Despues secretaria di Arruwac, sr. Vanessa Tromp a duna un resumen di tur eventonan cu Arruwac a organisa den e anja 2008. Mester remarca cu sr. Rafael Lopez a bira e presidente nobo di Arruwac, mirando cu e so a postula su mes pa e puesto aki, e lo ser asisti den e directiva pa sr. Chito Geerman, sra. Vanessa Tromp y sra. Lilian Maduro. Na final a bai over na reconoce tur e miembro y boluntarionan cu a yuda Arruwac den e anja 2008. Esnan cu a haya un reconocimento den forma di placa tabata;
Axel Tromp y Ricardo Morales a haya premio estimulo 2008 den infantil mucha homber, Casie-Ann Dake y Denise Brouwer, premio estimulo 2008 infantil mucha muher, Dyonne Lopez, atleta hubenil di prome lustro di Arruwac, Rhona Steward, miho atleta femenino di prome lustro den canamento di Arruwac, Faela Lopez, atleta femenino di prome lustro di Arruwac, Rafael Lopez, reconocimento di aprecio pa e anjanan dedica na Arruwac, Juan Tromp, miho atleta masculino den canamento 2008, Shariska Dirksz, miho atleta femenino 2008, Richard Rodriguez, miho atleta masculino 2008, Ossy Tromp, boluntario di anja 2008, Seever Krozendijk a haya un reconocimento pa e cooperacion brinda na Arruwac den 2008 y Alrric Kock a haya un placa pa su 5 anjanan dedica na Arruwac. Nos ta desea e directiva nobo hopi exito.