Bon bini na Arruwac.com - e website principal di coremento y canamento na Aruba.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
 

ARRUWAC ta organisa
"National Championship
5k Cross Country"

Resultadonan ta online.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
 

Olympia Distancia Largo pa Muchanan

Resultadonan ta online.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
 

Congreso pa Coach

download brochure

Pa mas informacion, tuma contacto cu Rafael Lopez, 594-1412.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
 

Juan Gomez y Rhona Steward ta gana e 10k Race Walk

VARADERO- Diasabra ultimo tabatin e 10k Race Walk tan anticipa, organiza pa ARRUWAC. Un total di 76 fiel canado, mayoria di nan miembro di e grupo Thrill Walkers Aruba como tambe Sunset Walkers a acudi na Varadero pa asina haci e evento algo unico. Mester bisa cu e deporte di canamento liher ta uno cu dia pa dia ta goza di un popularidad y admiracion grandi bou di e pueblo di Aruba, nos por mira cu mas y mas hende a cuminsa praktica e deporte aki, chikito, hoben y grandi ta gusta cana liher. Pa loke ta e competencia, nos por bisa cu den e categoria masculino e bataya tabata fuerte entre Juan Gomez, Juan Tromp y Harlen Villar, pero na di 4 kilometer Villar ta bandona e careda pa motibo di un lesion na su man, aki e dos Juannan so a sigui e trajectoria di 10k hunto, pues cabez, cabez. Faltando menos cu diez meter prome cu e strepi final, Juan Gomez ta remata y ta gana e 10k Race Walk, lagando Juan Tromp na di dos lugar. Mester bisa cu ambos a termina e careda den 1ora. Den e categoria femenino, e hobencita Rhona Steward a demostra cu te ainda su persona ta domina e deporte di canamento liher na Aruba, ora e ta gana den un forma convincente, lagando Carol Larmonie na di dos lugar cu un minut di ventaha, mester bisa cu Rhona a sali lidera y no a entrega e prome puesto ningun rato. E resultado final di e 10k Race Walk ta como lo siguiente. Den e categoria masculino: 1. Juan Gomez(1.01.00), 2. Juan Tromp 3. Felis Geerman, 4. Luis Hunt, 5. Nando de Graaf, 6. Robert Ammerlaan, 7. Mario Maduro, 8. Hendrick Lopez, 9. Nelson Feliciano y 10. Lino Nicolas. Den e categoria femenino nos ta haya: 1. Rhona Steward(1.10.17), 2. Carol Larmonie, 3. Gina Albertus, 4. Analisa Maduro, 5. Susette Geerman, 6. Susana Gorgoza, 7. Julietta Steward, 8. Maika Jansen, 9. Shirley Rafini, 10. Claudia Simmons.

ARRUWAC kier a felicita tur e ganadornan como tambe tur esnan cu a participa y yuda pa cu e exitoso 10k Race Walk. Un danki grandi ta bai na sr. Fanky Bareno di Bright Bakery, kende ta e patronisador principal di e evento. Na final sr. Nelson de Palm y sr. Chito Geerman di ARRUWAC a haci entrega di e medayanan na esnan cu a triunfa. Riba e combinacion di foto nos por aprecia e 10k Race Walk organiza pa ARRUWAC.

Resultadonan ta online.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
 

Juan Gomez y Carol Larmonie ta gana e
29th Turibana 10k Walk

NOORD- Diasabra mainta tempran, e prome canadornan a yega Panaderia del Campo pa asina cuminsa prepara pa e 10k di Turibana Walk. Nos por a mira e grupo grandi di Thrill Walkers Aruba como tambe algun grupo di famia, amigo y conocirnan, kendenan a bini pa e reto di 10k. Pa 5:30 di mainta, e 150 canadornan a start e caminata na Turibana rumbo pa e prome rotonde, esta e rotonde di Tanki Flip pa despues sigui un solo caminda te Compleho Deportivo Betico Croes. Na momento cu e prome canadornan a pasa e rotonde ya tabata 6:00 di mainta. Mester bisa cu e competencia di canamento tabata uno sera, pues tur hende cerca di otro. Na finish nos a keda sorprendi di mira tres ruman relativamente jong, drenta finish, nan a cana henter e recorido di 10k, un motivacion sigur pa tur presente. E promenan cu a drenta e finish na Compleho Deportivo Betico Croes tabata e 5 canadornan den categoria Walk Cabayero: 1. Juan Gomes (1:00:18), 2. Juan Tromp (1:01:00), 3. Luis Hunt (1:02:54), 4. Feli Geerman (1:03:54), 5. Roberto Koolman (1:05:25). Den categoria Walk Dama e ganadornan ta 1. Carol Larmonie (1:13:23), 2. Julieta Steward (1:14:13), 3. Charissa Maduro (1:14:52), 4. Gina Albertus (1:15:07), 5. Enrita Werleman (1:17:28). Nos di Deporte Nos kier a felicita IDEFRE y tur esnan cu a yuda engrandese e di 29 edicion di Turibana. E organisadornan, esta IDEFRE ta jama danki na tur participante, tur boluntario (Valero, Kiwanis Circle Key of University of Aruba y famia di personal di IDEFRE), Rode Kruis y motorbrigade di Polis. Un bez mas e personal di IDEFRE a logra organisa un tremendo careda. E di 29 TURIBANA 10-K tabata un exito! E proximo evento di canamento organisa pa IDEFRE lo ta e Kiwanis Circle K Universidad di Aruba, esaki lo ta diadomingo 28 di september proximo, e caminata lo ta uno di 4k y lo cuminsa na Universidad di Aruba, mes.

Ronald Staring y Shariska Dirksz ta gana e
29th Turibana 10k Run

NOORD- Cu masha animo pa 5or di mainta e prome coredornan a jega dilanti Panaderia del Campo na Turibana. Trahadornan di IDEFRE y boluntario tabata cla pa ricibi tur participante. Polis y Rode Kruis tambe tabata presente desde trempan. Ya pa 5:20 di mainta e coredornan a check-in y tabata warm-up banda di caminda grandi. E 100 Runners a cuminsa nan careda na e momento aki na Turibana. Na finish tur cos tabata cla pa ricibi e prome ganadornan. Mester bisa cu Ronald Staring a domina e careda dilanti di Hogde cu Robert. Nos a bin comronde cu Ronald a caba e careda y hunto cu su dos trofeonan el a core bai cas bek anto na pia, increibel. Den e categoria dama, Shariska Dirksz a triunfa un biaha mas, na unda su victoria el a dedica na Richard Rodiquez. E resultado ta como lo siguiente, na di tres lugar den categoria Run Cabayero Overall ta Alexander Robert (41:10), Gino Hodge (40:44) ta e di dos coredor cu a pasa e finish. E ganador absoluto ta e conocido atleta Ronald Staring (36:42). Den categoria Run Dama Overall e premionan a pa: 3. Nicole Suarez (52:28), 2. Lizayra Carlo-Ponson (47:22), y e ganadora absoluto 1. Sharissa Dirksz (45:07). Ganadornan den categoria Run Cabayero Overall y categoria Run Dama Overall a ricibi un trofeo y placa cash (Afl. 500,= prome lugar, Afl. 300,= segundo lugar y Afl. 200,= tercer lugar). Tambe a reparti trofeo den categoria RUN Cabayero y Run Dama pa e prome tres ganadornan den e siguiente edad. IDEFRE ta felicita tur esnan cu a gana y ta jama danki na tur participante, tur boluntario (Valero, Kiwanis Circle Key of University of Aruba y famia di personal di IDEFRE), Rode Kruis y motorbrigade di Polis. Un bez mas e personal di IDEFRE a logra organisa un tremendo careda. E di 29 TURIBANA 10-K tabata un exito! E proximo evento di coremento ta e 5k y 10k di Brandweer Loop cu e anja aki ta bek, e evento mes lo ta dia 7 di Oktober, lugar y fecha lo ser anuncia despues.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .